<$BlogRSDUrl$>

þriðjudagur, ágúst 29

TJÉKK ÐISS ÁT FÓLKS 

komin á annan stað... aðeins minna bleikan stað...... www.brjosk.bloggar.is

|

mánudagur, ágúst 28

SKUGGALEGT 

JÆÆÆÆÆÆÆÆJA KALLINN!!!!!!!!!!
Ætli það sé ekki kominn tími til að blogga eilítið blogg. Þannig er nú mál með vexti Jóhanna mín að það var nú ekki ætlunin að vera með einhver leiðindi, ég bara einfaldlega á engar myndir síðan á bekkjarmótinu. Tinna var hins vegar með myndavél og tók slatta af myndum held ég. En bekkjarmótið var skemmtilegt. Fleiri hefðu mátt mæta en þetta var samt gaman. Síðan ég bloggaði síðast þá er ég búin að eldast um heilt ár og er því kominn skuggalega nálægt 30 árunum... sem er ekki gott. Þegar Gveeeeðjón skipti um járn á þakinu tók hann loftnetið niður á meðan, það er komið upp aftur fyrir ekki svo löngu en það er ekki búið að tengja það ennþá. Þannig að við erum að tala um það að við erum búin að vera eins sjónvarpslaus eins og hægt er að vera í heilan mánuð og meira til. ÉG þakka guði að Gveeeðjón gaf mér alla fyrstu seríuna af Desperate Housewifes í afmælisgjöf.... ég er lika að verða búin með hana. ÉG er hætt í leikskólanum og er farin að vinna i Kjörbúðinni í KVH. Það er alveg hreint ágætt. Það styttist óðfluga í göngur og réttir og þá fer herra Gveeeðjón á fjöll að smala og við mæðgur verðum einar heima í eymd og volæði... hehe, djók. ÆI ég hef ekkert að segja þannig að ég bara kveð að sinni... bæó

|

fimmtudagur, ágúst 10

WOMANS FUCK 

Klukkan er 9:33, hiti 12,8°c, rakastig 78% og fer lækkandi. Smáatriði sem allir ættu að vita. Um verslunarmannahelgina fórum við hjú og barn og einn heimalingur í sumarbústað til Stefaníu og Geira. Það var alveg sérdeilis prýðileg helgi. Bæði slappað af og djammað. Þessa helgi er svo womans fuck, eins og ég vil kalla þetta, bekkjarmót og Grettishátíð. s.s mikið að gera þessa helgina. Ég hlakka ekkert smá til bekkjarmótsins, það er svona það sem stendur upp úr hjá mér þessa helgina. En kvennareiðin fylgir fast á eftir. Svo er nú víst að síga á seinni hlutann á 25. árinu hjá mér.... og er minns farinn að nálgast þrítugt skuggalega mikið... verð gömul og hrukkótt áður en ég veit af. Hey, mig dreymdi draum um daginn... ég var ekki svo frábrugðin sjálfri mér í draumnum, sem sagt svona 3-4 kg of þung.. hehe, en ég átti kjól sem var svartur og þröngur fyrir ofan hné og alveg upp. Svo var hálsmálið svona band sem maður bara smeigir yfir hausinn og reddí steddí... þetta band var silfrað. Já já, fariði nú að ímynda ykkur hvernig ég leit út í þessum fallega kjól með öll mín 3-4 aukakíló.... En ég get nú sagt ykkur það að þetta var einhver töfrakjóll. Vegna þess að þegar ég fór í hann varð ég þessi líka svaaaaaaaka skutla, já og engin 3-4 aukakíló að flækjast fyrir neitt. Vinkonur mínar vildu líka prufa en þetta virkaði BARA Á MIG... múhahahahahahaaaaaa, I'm the skutl.. ekki þær. Draumur búinn. Þarna sá ég að sennilega væri nú best að losa sig við 3-4 kg, til að geta keypt svo svona kjól og verið mesta skutlan á svæðinu.
jæja, nú hætti ég að bulla.

|

fimmtudagur, júlí 27

13 °C ÞAKVIÐGERÐIR OG UNGLIST 

Já, við erum semsagt lööööngukomin heim frá útlandinu. Ég var nú eiginlega bara nokkuð ánægð að komast hem í kuldann... mér fannst allt of heitt þarna úti. Ekki skil ég íslendingana sem fara til sólarlanda á sumrin... bara hreinlega get ekki skilið hvernig fólki getur fundist þægilegt að vera í 30+ allan helvítis daginn, eða bara lifað það af!!!!!! Við fórum úr 28 í 13 gráður og ég var sátt, sátt, sátt!!! En þetta var mjög skemmtileg ferð sem verður pottþétt farin aftur seinna. En það er nú aldeilis búið að vera mikið að gera hérna heima síðan við komum heim. Gaui er búinn að vera á fullu uppi á þaki að skipta um járn. Það var eitthvað fullt fleira sem þurfti að gera sem ég kann ekki að útskýra.. en það var greinilega verið að spara þegar þakið var byggt í upphafi. Ég gerði nú ekki sérstaklega mikið þarna uppi þar sem mér er ekkert sérstaklega vel við það að vera einhversstaðar uppi á þaki. Ég tel mig nú ekki vera neitt lofthrædda en mér finnst ég alltaf vera að detta niður þegar ég er nálægt brúninni... mér líður eiginlega betur eftir því sem ég fer hærra. Þannig að húsið mitt er greinilega ekki nógu hátt. En ég var nú samt eitthvað þarna uppi og hjálpaði Gauja að setja allan pappan á og ég skal segja ykkur það að ég er með svo mikla strengi að ég er hölt!!!!!!!!!!!!! HVAÐ ER ÞAÐ??? Segir það mér ekki eitthvað??? Jújú, það segir eitthvað, en við skulum nú ekkert vera blanda því í málið.. hehe. En hátíðin Eldur í Húnaþingi var formlega sett í gær. Hljómsveit skipuð af ungum folum áttu fyrstu ''orðin'' og mér fannst þeir bara helvíti góðir, enda gítarleikarinn nágranni minn... Svo kom Kjartan hlaupandi eftir Hvammstangabrautinni í gaaaaaaaaamla kormáksgallanum með kindil í hönd, hljóp að félagsheimilinu og tendraði eld hátíðarinnar. Svo var haldið inn og fantasíusýning fór fram. Þar var margt skemmtilegt að sjá.. allskonar fatahönnun, bodypaint, dans og fleira. En svo þegar út var komið gerðist það undarlegasta... jólasveinninn reið hesti framhjá Félagsheimilinu.... það var fyndið.
Í kvöld er svo mello musika og minns ætlar að syngja. Morgun BORGARVIRKI OG RAGGA GÍSLA... stuð stuð stuð.
jæja, bless bless

|

sunnudagur, júlí 16

DYRAGARÐURINN 




Ég held að þessar myndir skýri sig bara sjálfar... en allavega þá fórum við í Dýragarðinn í gær og það var stuð. Byrjuðum á því að fara í svona Safarí dæmi og sáum "villt" dýr út um allt. Svo fórum við í garðinn þar sem við löbbuðum um. Fórum á höfrungasýningu og það var geeeeeðveikt, ég hefði sett myndir hérna inn af sýningunni en það var svo léleg birtan þarna að myndirnar skila sér ekki nógu vel held ég. En eftir það röltum við bara um svæðiði og Hafdís fann geitur og svín sem hún mátti klappa eins og hún vildi, og skvísan var sko allt annað en hrædd við dýrin. Það var t.d ein geitin sem var eitthvað pirruð og stangaði hana frekar laust nokkrum sinnum og Hafdís bara hló að þessu, fannst þetta voða fyndið.

|

föstudagur, júlí 14

KRABBAVEIÐAR OG KEILA 





I dag fórum við eitthvað lengst út í rassgat á bílnum til að veiða krabba. Þetta var nokkuð löng leið og þurftum við að fara yfir ána á leiðinni. Áin er svona 80-100 metrar. En það er ekki hægt að byggja brú yfir ána, neinei, það er svona bátur sem er dreginn yfir fram og til baka allann daginn. Fólk fer á bílunum sínum inn í bátinn, leggur þar í svona 5 mín og keyrir svo aftur út úr bátnum hinum megin við ána..... RATHER STUPID I WOULD SAY. Og ekki nóg með það, þetta er alveg nýr bátur, hinn var orðinn of gamall fyrir þetta þannig að það var bara byggður nýr bátur.... en EKKI brú yfir alla þessa metra. En svona er þetta nú bara. ANYWAY, Hafdís sofnaði í bílnum á leiðinni og hún svaf þangað til við vorum komin að krabbastaðnum, búin að veiða krabba, búin að fá okkur kaffisopa og keyra langleiðina heim aftur. Þannig að skvísan missti alveg af þessari veiði. Svo á leiðinni heim ákváðum við að skondrast í keilu svona einu sinni. Það var gaman, nema að það var allt of heitt þarna inni. Svo komum við heim og þá fór Hafdís að hjálpa Pan að skera niður grænmeti fyrir ferðina miklu á morgun (Dýragarðinn). Eins og vanalega þá set ég nokkrar myndir með...... svona keeeesjúal myndir
ú já, gleymdi að segja að það veiddust bara tveir krabbar og þeir fengu að lifa lengur........

|

fimmtudagur, júlí 13

VOLVO, SMABATAHÖFN, SKIPASTIGI OG KLAFUR 








Jájá, í dag gerðum við ýmislegt spennandi. Byrjuðum á því að keyra að Volvo verksmiðjunni/um og skoðuðum það utan frá. Frekar mikið af bílum myndi ég segja. Því næst var haldið á stærstu smábátahöfn í Svíþjóð og þar voru alveg böööööööns af bátum. Keyrðum eitthvað lengst upp í land og skoðuðum skipastiga. Það var alveg geggjað. Svo þegar við vorum að leggja af stað heim þá sáum við svona kláfa sem voru fyrir gesti og gangandi og auðvitað skelltum við okkur í það. Allir nema Pan, hún þorði ekki. En það var nú ekkert spes samt, en það er alltaf gaman að geta sagst hafa farið í svona apparat. Svo enduðum við þetta allt saman með því að fara á Kínverskan veitingastað og átum á okkur göt!!!! Ég lét nokkrar myndir fylgja með þessu....
Myndirnar af bátnum sýna hvernig skurðurinn tæmist svo bátarnir geti silgt niður og upp ána þrátt fyrir hæðarmismuninn. Við sáum fyrst fullt af bátum sem voru að fara niður, þá tæmdist allt þetta sem myndin sýnir á NO TIME og svo var hliðið opnað þegar vatnið var orðið jafn hátt báðum megin og þeir sigldu áfram en á meðan biðu þrír bátar fyrir neðan til að fara upp ána þegar hinir væru komnir niður. Þeir silgdu síðan inn um hliðið, því var lokað og svo var "trappan" fyllt aftur af vatni og bátarnir komust leiðar sinnar upp ána þrátt fyrir 15 metra hæðarmun. Og það ótrúlegasta við þetta allt saman var að þetta tók engan tíma, svona tíu mínútur að tæmast og tíu mínútur að fyllast aftur!!!! Bara töff

|

This page is powered by Blogger. Isn't yours?

Weblog Commenting and Trackback by HaloScan.com