<$BlogRSDUrl$>

fimmtudagur, nóvember 18

BLE 

Jæja vinir og félagar. Alltaf er tíminn jafn fljótur að líða og ég vakna upp við vondan draum... ekki búin að blogga í fuuuuullt af dögum. En það gerist bara ekki nógu mikið í mínu lífi til að halda daglega dagbók á netinu um það. Afmælið hennar mömmu... sem var bæ ðe vei fyrir hálfum mánuði var sérdeilis prýðilega skemmtilega yndislega ágætt. Góður maturinn og skemmtilegt fólk. Að vísu smakkaði ég ekki perlurnar í skelfiskinum en þetta var örugglega allt saman mjög mikið lostæti. Núna um helgina er svo okkar árlega magnaða sumarbústaðarhelgarpartý. Og það skal sko tekið á því þetta árið. Dolli bíður spenntur eftir að komast í pottin með fullt af kellingum í kringum sig... Hann kannski endar eins og síðast, með Hrönn í annari og bjórinn í hinni. Það styttist óðfluga í jólin góðu og allar jólaseríurnar og jólaskrautið.......... JAAAAAHÚÚÚÚÚÚ... GET EKKI BEÐIÐ. Jólaserían mín hérna úti á húsinu sem lýsti upp allt Húnaþing vestra í fyrra er búin að vera tilbúin í tuskið síðan um réttirnar... og er orðin þreytt á að bíða endalaust. En ég ætla nú ekki að lýsa upp alla sýsluna núna og hafa aaaaðeins daufari perur þetta árið eða svona sirka 33 vöttum daufari og einnig 53 vöttum daufari. Þetta er nú samt aðalega gert fyrir Flosa elskuna sem gat ekki sofið í allri birtunni síðustu jól. En ég meina þetta var gott fyrir grasið mitt.... lifði vel og lengi síðasta vetur.
Jæja bless

|

miðvikudagur, nóvember 3

DADDARA.... 

Jæja gott fólk. Alltaf er ég jafn dugleg að blogga á hverjum degi og svona. En það er nú mikið að gerast í mínu lífi þessa dagana. Ójá já mér hefur tekist að mæta í vinnu heila tvo daga í röð, en svo er þetta ónýtt af því að ég kemst ekki í vinnu á morgun. Þannig að næsta takmark er að ná þremur dögum í röð.. og svo framvegis!!! En allavega þá fór ég í vinnu í gær og gekk það nú áfallalaust allt saman. En í dag.... neeeeeiiii ekki gekk það nú alveg áfallalaust. Ég var í mínu mesta sakleysi að labba framhjá borði sem er frekar hátt og datt um einhvern bévítans poka á gólfinu og missti jafnvægið eins og gömul útigangshæna og datt beint á helvítis borðið og það BORAÐIST inn í síðuna á mér.... Marið beikon í gangi hérna. En þetta var nú bara very very vont kæru vinir og ég mæli ekki með þessum æfingum heima við. Ljótur og ógeðslegur marblettur fylgir þessu helvíti og verkir með því. Og svo auðvitað þurfti fólk að sjá þetta en það hló nú enginn af mér... EINS GOTT fyrir þau. Annars hefði ég fundið þau í fjöru og launað þeim lambið gráa. Svo auðvitað mætti ég í þrekið mikla og svitnaði eins og asni og brenndi fullt af hitaeiningum. En marbletturinn fór ekki..... arg
Afmælisveislan mikla hjá móðuharðindunum nálgast óðfluga og hefst eftir akkúrat 47 stundir í íslenskum krónum. Það er eins gott að fullt af fólki mæti af því að ég er búin að frétta að það eigi að vera dúndurhljómsveit á staðnum til að halda uppi stuðinu hele natten. Ekki veit ég nafn þessarar landsfrægu hljómsveitar en þeir sem hafa heyrt í henni láta vel af. Jæja ég nenni ekki þessu bulli. Veriði sæl

|

This page is powered by Blogger. Isn't yours?

Weblog Commenting and Trackback by HaloScan.com