<$BlogRSDUrl$>

fimmtudagur, mars 31

Brynja Ósk Viðisdóttir, Teigagrund 4...... 

Ágæti starfsmaður!

Yður, Brynju Ósk Víðisdóttur kt: blebleble, er hér með sagt upp störfum hjá kjötvinnslunni Norðan heiða ehf. .................. og svo framvegis.....
Þá er skellurinn kominn... ég er búin að fá Uppsagnabréfið mikla...Og hvað gera bændur þá??

oj lyktin....ég held að mín elskulega dóttir sé búin að finna eitthvað handa mér að gera..... ok bæ!

|

miðvikudagur, mars 30

SKÓLABÍLL SKÓLABÍLL 

Já gott fólk, það er sennilega kominn tími á mig að blogga eilítið, svo ég nái nú þremur bloggum í þessum fokkings mánuði. Nú er margt breytt, eða kannski betra að segja að breytingin sé úreld og sé búin að breytast aftur yfir í gamla farið. En þannig er nú mál með vöxtum að skólabíllinn á Fitjum beeelaði hérna einn góðan veðurdag þegar Helga var að keyra... hehe.. og ég hef þurft að keyra Hafdísi á hverjum morgni út að Fitjum og auðvitað ná í hana að vinnudegi loknum. Alls gerðu þetta 70 km á dag. Og þá er ferðin í vinnuna mína með talin. En hvað gerir maður ekki til að vinna 4 tíma á dag.... Talandi um vinnuna, á morgun blasir við öllum starfsmönnum Norðan heiða uppsögn, og svo eigum við bara að ákveða okkur hvort við viljum vinnu aftur eður ei. Hmmmm ég veit ekkert hvað ég á að gera. Mér býðst vinna á Leikskólanum í sumar og mig langar til að taka hana en þá lækka ég svo mikið í launum og vinnutíminn breytist. Svo veit ég ekki alveg hvort svona leikskólastarf eigi við mig, hef aldrei átt við svoleiðis áður. Þannig ég stend á tímamótum og vegamótum og allt svoleiðis og veit ekkert í hvaða átt ég á að fara. HJÁLP.

En það eru bara 10 dagar í blessuðu söngvarakeppnina hér í sveitinni. Mér finnst nú að allir ættingjar mínir og venir ættu að koma og styðja gömlu kelluna, það er svo langt síðan ég hef tekið þátt í svona ósköpum að ég á örugglega eftir að frjósa uppi á sveði og koma ekki upp orði.. eða tóni... eða eitthvað.

En well smell.. bold fer alveg að byrja og ég er búin að missa mánuð úr vegna bilaðs skólabíls... ekki það að maður missi af einhverju á einum mánuði... það er örugglega ennþá það sama að gerast og síðast þegar ég sá þetta.

ok bæ

|

þriðjudagur, mars 15

ÓSKÖP ERU BETRI EN ENGIN SKÖP 

Sko... ég ætlaði nú bara í sturtu eins og saklaus ung stúlkukind fyrir svona einum og hálfum klukkutíma síðan sem endaði með miklum ósköpum. En þannig er að þegar svona saklaust fólk eins og ég fer í sturtu þá blotnar hárið iðulega og það gerðist sum sé hjá mér líka. Og eitt af því sem fer mest í pirrurnar á mér er það að fara að sofa með blautt hárið eins og bjáni og vakna svo eins og kolvitlaus útigangshæna sem hefur misst völdin á hárblásaranum daginn eftir, og fara í vinnuna með hárið EKKI í lagi. Þannig að ég, í sakleysi mínu, ákvað að kíkja aðeins í tölvuna mína. Já já, ég dælaði mig inn og lenti í samræðum við frænku mína nokkra hana Kollu sem er stödd í USA. Svo datt mér þetta líka snjalllllræði í hug, Katrín systir var búin að vera að tala um Bejeweled leikinn á fullu við mig og ég hef nú svosem spelað hann áður, þannig að ég ákvað að prufa að spila hann í smá stund á meðan hárið á mér væri að þorna..... Og viti menn... hérna sit ég ENNÞÁ og axlirnar á úldnu útigangshænunni eru farnar að síga ansi langt niður á bóginn og verkurinn að aukast. En neeeiiii, manni dettur ekki í hug að hætta að spila Bejeweled og fara kannski inn í rúm að sofa einu sinni snemma svona til tilbreytingar. Mér er orðið kalt á táslunum mínum og hárið löngu orðið þurrt... eða allavega nógu þurrt til að leggjast til hvílu. Ef það er ekki Snood þá eru það Neighbours.com og ef það er ekki Neighbours.com þá er það bejeweled.... ég er farin að hafa áhyggjur af þvi að ég sé orðin TÖLVUNÖRD.... aaaaaaaaaaaaaaaaaaaaaa..... og ekki má það nú gerast. Þannig að ég kveð að sinni og kannski ég taki EIIIINNN leik til viðbótar,, bara einn. Ok bæ

|

mánudagur, mars 7

VINNUGLEÐI 

Já, henni er lokið. Flestir mættu... en samt ekki allir sem sögðust ætla að mæta.. ekki gott. En allir skemmtu sér vel og það var gaman. Gvendsi kom með nikkuna og auðvitað spelaði ég á hana með glææææsibrag. Man nú ekkert hvaða lag ég spilaði en það var voða gaman. Já. Hmmm.. ú ég er komin með ISDN og mér líður meekkklu betur. Maður er enga stund að tengjast netinu og svo gengur allt miklu hraðar og ekkert fokk í gangi eins og svo oft áður. En ég nenni ekki að skrifa meira, ég er svo upptekin af því að skoða Neighbours.com og komast að því hvað á eftir að gerast.. það verður nú spennó að horfa á allt sem á eftir að gerast. Jæja, bless

|

This page is powered by Blogger. Isn't yours?

Weblog Commenting and Trackback by HaloScan.com